في المستشفى..جريمة اختطاف فطيرة كروسان

soon

الجريمة وقعت امس

منفذ\ة الجريمة يعرف نفسه زين

اخلص اموري واكتب السالفة

2012 و سوالف الاستراحات و الشيخ الحوالي

مدخل

اللي مضيع ذهب..بسوق الذهب يلقاه

واللي مفارق محب..يمكن سنة وينساه ..

بس اللي فاقد خبر.. يتكي مع الشباب الخميس والجمعة في استراحة الصديق الوفي وبيدري وش الحاصل<<خرب الوزن

---

..

.

بس كيف الشوغل منزل موضوعين في ليلة وحده<< هو اللي بيرجع اهله من قاعه الزواج..قاعد يحتريهم في بيت اخوه

الموهم

^^^

فيه مزيكا..مال ذمتي دخل

كل عام وانتم بخير والله يخليكم لبعض ويخلي بعض لكم .. اممم و اللي أوله شرط اخره نور.. تراي مؤمن بالغيب<<عشان محد يلايط بعد شوي …

.

ثاني شي قعدت اشيك على الشبكة العنكبوطية وش صار وش ما صار من راح من دخل  <<كيف اللقافة.. و مدري اول شي بديت بحث عن نجم سعد الذابح<<مأثر عليه النصر…و مروراً بنغمة الدجاج اللي كل شوي ناقزه لي ..

.

ومدري كيف خشيت وخشيت لين وصلت تريلر حق فلم جديد و يلق بينزل في نوفمر عنوانه (2012)

.

.

و قصته ان العالم بيروح في خرايطها و بينتهي  في 2012   و كان اخراج شوغل و كان المخرج المجرم فضيلة الشيخ  رونالد ايمرش و هذا المخرج طال عمره كلمة سنايدي قليلة في حقه يعني مخرج بتتتل <<مسوي رقيق ..يقدر شي أسمه كوارث و خراب بيوت

^^^

فضيلته أمام واحد يسأله

.

و كتب في اخر التريلر

find out the truth

search :  2021

.

و بسرعة استجابة قلت ابشر يا رونالد ..كم عندنا من رونالد..نسوي سيرش ليش ما نسوي<< كيف الاستقعاد

فسويت تقرير صغير عن عام 2012..فطلعت بقروبين… قروب “عز الله رحنا وطي”.. وقروب” لا تشيل هم الدنيا لسه بخير”

و هذا بعض أقوال قروب “عز الله رحنا وطي” ..وصراحة كلامهم لحسة مخيخ

.

.

موقع قناة القزيرة : في عام  2012  راح يكون فيه عاصفة شمسية وعندما يتصادف أن تكون الأرض في مسار تلك العواصف الشمسية فإن لهيبها قد يحدث دمارا لشبكات الكهرباء, ويعرقل الاتصالات اللاسلكية, ويعطل عمل الأقمار الصناعية. وتفادت الأرض طوال الحقب من عصر الفضاء وحتى الآن ما قد تلفظه الشمس من لفحات مدمرة.

أثار أمة المايا: وهي أمة عريقة سكنت امريكا الوسطى قبل ميلاد المسيح عليه السلام ب3000 سنة  و كان متقدمين جداً في الحساب ولهم تقويم خاص و غريب حيث ان السنة 260 يوم و الشهر 20 يوم.. الموهم ذكر ان نهاية العالم ستكون عام 2012 بناءً على حسابات فلكية..

الشيخ الدكتور سفر الحوالي الله يحفظه : ذكر في كتابه “يوم الغضب” ان اسرائيل ستزول في عام 2012  بناءً على نبوءة النبي دانيال الا انه قال وهو ما نرجو وقوعه ولا نجزم..

الكوكب الذي سيدمر الارض نابيرو Nibiru ..وهذا تكلموا عنه في النت بكثرة  لدرجة انه صار من المسلمات..بس بقولكم سالفته تحت..وممكن نربطها مع اللي جابوه  قناة الجزيرة في برنامح بلا حدود استضافوا د.فاروق الباز العامل في ناسا وذكر ان علم بيولجيا الفضاء ليس ترفاً علمياً وانما كخيار اخر لو احتجنا  للعيش خارج الارض<< هذي أذكرها بس بنفسي بس للاسف ما لقيت لها توثيق على النت..

و هذي اهم المعلومات اللي في النت اما الباقي كلام فاضي و كلام منجمين..

اما قروب “لا تشيل هم الدنيا لسه بخير” واهم ناس فيهم..

موقع ناسا..قال ان بداية هالسوالف واحد أديب  اسمه زكريا Zecharia Sitchin  فقش فقشة وقال ان العالم بينتهي في 2012 ..وربي بارك في هالفقشة و كلن صار يقولها..

.

تصريح لـ د.نيل تايسون و هو دكتور مرموق في علم فيزياء الفضاء وهو مدرير مشروع هايدين للنظام الشمسي..

.

لا تسألون وشو ذا المشروع وشي تراي طب..بس باين انه شي مو سهل لانه مكتوب في السي في حقه في اول شي و كمان كتبوا انه ضيف دائم  في Nova ScienceNow في التلفزيون العام الامريكي.. و صراحة اسلوبه حلو وممتع و اطلق شي يوم نطق Nibiru  وقال ان هالكلام من جنبها و خرابيط ناس خريج سادس ابتدائي ..

.

.

.

.

احس بعد هالفلم بيصير 2012 سوالف استراحات..وعاد على قولة فوزي من خميس و جمعه  يمديك تكتب موسوعة شاملة في الفلك والطب والتجارة والللي منيب قايل<< من جد منيب قايل .. من كثر هالشلخ والفقشات والصواريخ اللي  مدري كيف يجيبونها..بس صراحة كلام البروف الاسمراني أقتنعت منه كثيير..و دمتم سالمين

_____

المراجع

ناسا

قناة الجزيرة

موقع فضيلة الشيخ سفر الحوالي

Maya calendar

Maya calendar

Wikipedia

2012 – Official Movie Site

____

اللي بينقل التقرير ينقله كامل بدون نقص ولا زياده و يذكر ان hunternote.wordpress.com هي المصدر

____

Maya calendar

قلبي بالرياض تولّع .. اليوم الوطني هـ 1430

إن الوطنية الصحيحة لاتتكلم كثيرا ولاتعلن عن نفسها.. قالها الهالك قاسم امين

.

.

.

صدفتاً..لو فيه بنت وامها يتمشون على الواجهه

أحس بيروحون غلطة من هالجواعا…

رأيي..

80% من شعبنا متخلف

5% مسويه نفسها فاهمه و هي من جنبها

15% لبى قلبوهم…

نشوفكم على خير… =)

هتلر و مدونة صياد

هلا فيكم ..كيف رمضان معكم يا حلوين

يارب تكونون مبسوطين و مستانسين

.

.

طبعاً ذا الفديو احب اشكر فيه بنت بطلة من جدو هي صاحبة قناة straycat  على اليوتيوب و هي اللي سوت لي الدعم الفني الله يوفقها

.

.

وترى الدعوى فلة و وناسة يعني لحد يقول شايف نفسه بلييز وهذا الفديو نزل بأكثر من سيناريو في الاتصالات السعودية والاتصالات المصرية و جيت انا و كملت المسيرة في سيناريو دلخ ..

لحد يقول انه مسروق عشان ما يتمحط على وجهه

^^^

بالله ما ودي أفطر على واحد من الزوار

و نشوفكم قريب والله يوفقكم لكل خير ..اخوكم اللي يقطر اخلاق : صياد

^^^

تراي حطيت صورتي الشخصية يعني لحد يلايط على ذي التدوينه

فقعوا ضحك على الهواء..

هلا والله…انا يا اقعد شهر ما انزل شي.. يا انزل موضوعين في نفس اليوم..بس طحت في هالمقطعين اليوم وقلت اشارككم..

و هذا للشيخ القرني يوم فقع ضحك وما قدر يوقف من الضحك  هو ويا المقدم

اذا عصبت لا تجيب العيد!! بليز

اهلن وسهلن…

اول شي رمضان كريم يا بطة..وان شا الله كل سنة وانتو اوكي

^^^

حيخلصوه<<نفس الدعاية

.

.

ثاني حاجه .. فيه وحده عمرها 23 << كبري ذي الهبلة …  سوت حركة حتى اكبر عربجي ما يسويها

.

.

.

.

.

.

زعلت على زوجها السابق  و سوت سبلكس خلفي نفس اللي في المصارعة  و  كانت ضريبة الزعل 43 قتيل و  60 جريح  .. هذا اللي قالوه في  الاخبار ..

وهذي شكلها مو غيرة..لو انها غيرة كان سوت نفس اللي شفته في اليوتيوب..

انا شفت لي كليب على اليوتيوب اسمه (عبط بنات)  ومن جد العنوان  راكب على المقطع

وكان برنامج على mbc يسأل بنات هالسؤال.. مع ان اختيار العينات عليه علامة استفهام كبيرة

ما موقفك اذا علمتي ان زوجك تزوج بأخرى؟

فكانت اول وحده  احس راسها فاضي يعني مخها كبر حبة الفول السوداني اللي بدون قشره

.

.

.

.

.

و كان جوابها : تبعاً<<يعني طبعاً  ..اذا ليه اسباب ما اعاتبه اما اذا ليه اسباب ما اسيبه<<  وربي قالتها  كذا.. تبي تطولها وهي قصيرة

ثمن قالت اذا خاني ..أخونه<<  ناوية تبزوط …ثمن تعطي المذيع نظره..معناها وش اسوي هو اللي حدني على السربته… مسويه في لاس فيقاس بتطلع من بيتها  بالهارلي وتنزل عند محل كبده  << ما فيه بار في السعودية .. وبتفضفض على اقرب ولد ثمن تطلع معه ..وين يا امي

.

.

.

.

ثمن قابل وحده وجها كله خدود..أخدد شي ..بس انها عسل و نعم فيها  ..

هي الوحيدة اللي جت بشي منطقي وقالت هذا شي ربي حلله ما اقدر أحرمه  .. بس هذي الغيرة و ما تسوي و الله يعين على جبر الخواطر …

.

.

.

و جت وحده اسمر عبر وقالت الجملة الغريبة..ازا هو يحبني وانا احبه اكيد فيه اسباب تدفعه للزواج التاني<< انا عجزت افهم الجملة حقتها…

^^

اسمر مملوح ..يداوي الجروح << امحق

.

.

.

بعد كذا جت بنت مُززه<< اللهم اني بكون صايم  .. وصراحة ليتها ما تكلمت يعني كذا هي زينة و صاروخ  بس لا تتكلم..

يوم تكلمت فقعت ضحك على سباكتها .. وبديت اشك انها شاربه سوبيا حقت مكة .. ومأجره الدور العلوي.. صوتها غريب كنه مسجل ددسن  خربان  كذا قالت : احسن شي المرة الاولى لما الواحد يتزوج ثانية يكون عيندوه خبرااه ..ثمن تشر بديها على ورا… شكل البنت شطحت و راح تفكيرها بعييييد. ..يارب انها ما تقصد اللي فهمته..

.

.

.

وبعد كذا جت بنت مسوية ذيبان …

وقالت : هو حلو ومش حلو << رأصني يا أدع

طبعاً قالت رايها بس في نص كلامها بدت ترقص على خفيف قدام الكمرا لاسباب غير معروفة

.

.

.

صراحة انا عندي قناعة  كاملة اذا شفت سالفة غير منطقية أعرف ان فيه معلومة ما  اعرفها.. و لو أعرف هالمعلومة صارت السالفة منطقية.. و اضرب عليها مثال اذا شفت اللي معه سكيتزوفرينا يكلم نفسه تقول  هذا مو صاحي بس اذا عرفت انه يشوف ناس  انت ما تشوفهم و هو قاعد يكلمهم يبدا يكون عندك هذي الحركة منطقية..يعني اكيد ان البنت اللي قتلت  43 نفر..  عانت مع زوجها الاول..  و شافت انواع العذاب النفسي بعد ما خذ منها اغلى ما تملك..بس مهما يكن ما يبرر لها هالجريمة الكبيرة

.

.

واحس افضل حل لهذي التحدي هو السؤال عن الزوج  بجد و معرفته من قبل الاهل قبل الزواج..و لو  تكون الفترة اللي بين الملكة و الدخلة طويلة شوي  عشان كل واحد يعرف الثاني.. وعلى الجانب الثاني سبحان الله احس ربي ما حرم العلاقة اللي قبل الزواج الا لحكمه.. لان لو صارت موجودة بيكون فيه عدم استقرار وبيكون الرجال و هو في فترة الخطبة يقول ما ني متزوج من خطيبتي بدري يمكن القى وحده افضل منها و البنت كذلك ويبقون كل واحد يتطلع للافضل.. او خلاص يكون البقاء للاقوى يعني تجي بنت اقوى من الخطيبة وتلعب في راس الخاطب ويتخلى عن خطيبته أو العكس..انا تعرفت على ثلاث نماذج ومن عقبها صرت مقتنع تماماً.. واحد اسمه ديفد

.

.

^^

هو الثاني من اليسار

طبعاً هذا له تقريباً 11 سنة مع خطيبته ويقول الى الحين ابي أتأكد من طبع   خطيبتي قبل الزواج..يعني مدري متى بيتأكد ويتزوج..

.

.

والثانية تعرفت عليها”نسيت اسمها صراحة”  وهي تقريباً كبيرة فوق 35 تقريباً و تقول انا الحين عقب هالسنين مع زوجي عارفة ان زوجي يخوني و انا بعد كردة فعل خلاص اسوي اللي في راسي  بس ما اقدر انفصل عنه  لاسباب اقتصادية يعني علاقتهم لا تعني سوا اثنين يشتركون في السكن…وانا اقول في نفسي اذا كانوا مقتنعين ببعض قبل ما يتزوجون ليه صاروا كذا..

.

.

والثالثة هذي اسمها بينزا وهذي كانت تربطها بزوجها علاقة حميمة قبل الزواج… ومرت السنين وتلقا زوجها في الداون تاون ومعه وحده ثانيه في سيارته<< قوي وجه المدينة صغيرة ولا همه انها يمكن تشوفه ..ويوم شافته قالت من هذي ويلا قلها تنزل الحين ان كانك تبي تحافظ على زواجنا..قام هو وعيا يرد على زوجته..وانتهت السالفة على طلاقهم.. ودايماً أسأل نفسي ليه نسبة الطلاق في كندا عالية مع ان أغلبهم عارفين وعاجنين بعض قبل ما يتزوجون ؟

.

.

.

.

.

نشوفكم على خير.. ولا تنسونا من صالح دعائكم في رمضان =)

لماذا انجلد هذا الولد؟؟

سووري ..هاليومين كان جسمي و قلبي وفكري  مبعد عن البلوق لاشغالي الخاصة..

اول شي ترانا في نعمه ما يعلمها الا ربي…نعمة عسا ربي ما يعاقبنا على عدم شكرها<<راح تعرفون النعمة اذا شفتوا المقطعين

وانا هاليومين طايح اجيب لكم اشياء تضيق الخاطر بس وش اسوي

بس شفت لكم اليوم كليب  صايره سالفته  من اسبوعين .. هز مشاعري و غثني كل اليوم .. و حتى انا الحين اكتب لكم   وانا منغث  ..وقلت لابد اخليكم تشوفونه….

واحد ينجلد و ويتكفخ ويتمزع    ..تبون تعرفون ليه طقوه   ناظروا الكليب الثاني

وهذ الرابط الثاني يختصر لك تاريخ طويييييل في ثلاث دقايق..

اقل شي نسويه  لاي واحد مظلوم  اننا ننصره باللي نقدر حتى لو كنا مشغولين…و لو كان قليل..<<( emails,twitter ,youtube,facebook)

مدري بس احس اني مو راضي عن نفسي..في الواجب اللي علي لهم

و نشوفكم وانتم بألف خيروصحه وسلامه..وان شا الله بسمتكم ما تغادر محياكم

خلاص يا يمه بهاجر ..(LYRICS)

واكتم العبرة و جسمي كله الام..

ومابي احد يدري..

اجمع اغراضي في الظلام..

وامي تقول..

عطني سبب ..عطني بقايا كلام..

واحبس الدمعة واقول..

خلاص يا يمه بهاجر..

خلاص بكون أحزن مسافر..

وامي تقول : ولا تحب راسي زي كل مره؟؟…

و لا تودعني زي كل سفره؟؟..

و عشاني  يا ميمتي احبك  ..

ما ودي احب راسك ولا اضمك…

خلاص  من اليوم يا يمه..

عدوي بروح اضمه..

وبـبوس  راسه و فمه…

واللي اعزه ابعد عنه..ابعد ما يكون…

ابعد ما يكون…

يا يمه..رجاءً ..

ما بي منك لا رسايل ولا اتصال..

مابي من الشوق..

يصير جوا قلبي قتال  ..

يصير جوا قلبي قتال  ..

ما ابي في لحظة ضعف..

ادور عليك والقاك..

ما ابي ارجع  واجلس معاك..

مابي ارجع و اجلس معاك..

وتراي سرقت اغراضك وعفشك..

ما خذت الا كحلك و عطرك..

وعارف بيقولون ترى محمد باعك وغرك..

ترى محمد باعك وغرك..

يمه رجاءً..لهم لا تسمعين..

وللعذال لا تستسلمين..

ما سرقت الا  ذكريات ..

ما سرقت الا ذكريات..

انا في جسمي معارك

انا في  قلبي مهالك

انا عندي مشاكل..

انا  حالة اشتباه…

انا حالة اشتباه..

ابغى اكون عن احبابي بعيد

ابغى امشي وحيد..

ابغى امشي وحيد..

و مع اني اصيل..

اليوم بكون حرامي وذليل..

محتاج  لاصناف  الحبوب  ..

تساعدني في كل  الحروب..

ما اقدر اخذها الا باحتيال..

حالة اشتباه..مابي نهايتها اعتقال…

مابي نهايتها اعتقال…

ما ودي اشرح ظروفي..

ما ودي.. على وليدك تخافين..

ما ودي اقولك وش اعاني..

ما ودي اخليك من الهم  تسهرين..

^

^

^

.

.

.

.

.

.

.

.

انا يا يمه…

مشتبهين فيني انفلونزا خنازير..

sometime u have to stay away

from people you love

just to protect them

الله يكفينا وياكم الشر…

كتبها..اخوكم صياد..

هاه عسى فيه احد بكى صراحة من دخولي الطب ما قد كتبت LYRICS بس قبل فترة جا موقف  وفاضت القريحة..ابي اطفي الدينمو ما نفع <<الله من زين الثقافة…يعني اختلطت بواحد مصاب الله يعافيه و لا يبتلينا…ومن عقبها حلقي يعورني<< خذ وسواس ..وكل ما ذكرت الموقف حلقي عورني..فعشت هذي المشاعر فنزلتها ليركس

ونشوفكم ع خير

انا شنب ولكن…سوف أرتدي النقاب !

اهلن وسهلن…السالفة باختصار… قدر الله علي <<يعني السالفة فيها مصايب..اقول قدر الله على محدثكم و سجل في تدريب صيفي في احد المستشفيات  و صراحة نيتي من البداية خبيسة<<حقت اخواننا و احبابنا  وفلذات اتسبادنا المصريين<< هجده  حارث “ابو يمن” في ذاك المقال

يعني ما رحت للمستشفى هذا الا اني عارف انه مو حق تعليم و استدفار  وانه  مجرد اجازة + شهادات و بس…بس حدث تغير في نيتي الخبيسة و صار ودي استدفر في الاسبوع الاول..  وصار ودي  استدفر << عاد الجملة للتأكيد ولكن ما عندك أحد وده يعلمك أو يشرح لك .. و  ما كان في التيم متدرب  الا انا يا هالمسيكين و صراحة التيم اللي انا فيه دكاتره رهيبين جداُ و اخلاق تقول كنهم صياد بس انهم مو متحمسين انهم يعلموني وانا وحيد الخلية .. و كأنهم يقولون يا عزيزي الطالب في راسك حرش..رح ابرد حرتك في البقالة اللي تحت << ترا فيها السنكرس الجديد

…بس في الأسبوع الثاني جاء وفد من الوفود مكون من انتيرن خلوق و طيب و متدربه صيفيه خلوقه وطيبه كذلك… اما الانتيرن جا لم التيم حقي لانه واجه مشكلتين ان   التيم الاول عطاه أشكل    في مقابل انهم يعطون الفيميل اللي في التيم سبيعين وجه و المشكله الثانية على كلامه فيه فيميل معضلة<< جريه و لا اندرتيكر .. لو تعطيه كوع ضيعت مستقبله في سنة الانتيرن شب كلها

…يعني اذا صرت في ذاك التيم مالك الا انك تصير اون لاين و تحط حرتك في الفيس بوك او المسنجر مع اخوياك..

فقرر خوينا  الهجرة الى التيم حقي… اما المتدربة الصيفية فدخلت دغري من البداية على التيم حقي… وبقدرة قادر عقب ما دخلت هالمتدربة صار يجينا سشنات كل يوم و الراوند صار الديسكشن  احسن من أول بكثيير…

و امس القريب غابت المتدربة و مدري جت مصادفة و لا كيف بس ذاك اليوم مافيه سشن والراوند نايم ..حتى اني الحين اذا صليت العشا في السجود ادعي ربي عشان بكره ” ياربي يا كريم يا من تعلم ما في نفسي ولا اعلم ما في نفسك يارب انها تجي المتدربة عشان يشرحون لنا الدكاتره ويدرسونا على  سنع “….ومن زود الصدمة يعني يوم غابت خلاص معد فيه اكتفتي.. جاني شعور ودي اترك الطب  و أروح أترزق الله في بسطة ولا شي …

… عقب كذا قررت أني ألبس نقاب فل كامل  عشان يزبط وضعي ..صح بيصير شكلي غلط .. يعني نقاب و الفور ارمز كلها شعر.. و اللي ما تقدر عليه كله لا تتركه كله يعني ما قدرت ع النقاب أقدر ع الاشياء الثانية.. يعني الحين صرت اجيب الشنطة حقتي واعلقها على كتفي..وخلاص صرت اقول ” لسا” بدال “توني” …وش اسوي ما ودي اكمل دوامي في البقالة

و قبل يومين حولنا الدكتور الريجيسترار البطل حقنا  و هو إنه ليصل الرحم ، ويصدق الحديث ، ويحمل الكل ، ويقري الضيف ، ويعين على نوائب الحق <<وش اكثر من كذا مدح في ذاك البطل و  ودي اسميه (ذو السكرب العنابي)<<اسم افلام..  الى دكتور ثاني (ريجسترار) و ودي اسميه ( ذو ابو نظارة )و سبحان الله ذا ذو ابو نظارة..كأن ما في التيم الا هالمتدربة هذي و كذا يقول روحــ(ي) للبيشنت الفلاني <<لاحظو الياء يعني انا و الانتيرن طالعين منها ثمن يقول روحوا معاها ازا بدكون..اقول في نفسي من شاور ما عطى  تأبر ألبي شو لكان ..عاد اللي زاد الطين بلة اليوم يقالك بيرقعها و يحطها بمرماي و يقول لي ليش  هربت ذاك اليوم… وش هربت يابوو..بريزن بريك مثلاً

…عاد اليوم عقب الراوند جلسنا فتره ما فيه شغل قامت المتدربة و طلعت سن توب يتيم من شنطتها و عادي صراحة لانه وقت فراغ وخلص الراوند

.. وسبحان الله ربي ما كتب انها تتهنا بـ السن توب.. كذا كانت متوزيه مستقبله الجدار مستدبرة المستشفى بكبره و توها مدخله الشفاط..ويجي ذو ابو نظارة<<لاحظوا تراه مو في تيمنا.. يقول لنا  يللا بدنا نروح للبيشنت<<مسكينه ذيك البيشنت..قلت له قدااام   قامت المتدربة ودخلت السن توب في الشنطة<<بتكمل الشوط الثاني بعدين .. و الانتيرن بيجي بس مو متحمس ..ثمن جا دكتورنا  (ذو السكرب العنابي) وقال تراي سويت بليب  للكونسالتنت وابي واحد ينتظره..قالت المتدربة انا راح انتظره وقامت وطلعت السن توب من الشنطة<<تبي الفكة بس عشان تكمل مزمزة  السن توب ..

ثمن جا ديستيربنس.. ابو نظارة صار يروح و يرجع يبي التيم كامل  ..عاد قال الدكتور  ذو ابو عنابي خلاص انا بحتري الكونسالتنت..جت هي ودخلت السن توب في الشنطة<< رحمت السن توب اكثر من المتدربة .. ورحنا ع البيشنت..وبعد ما طلعنا توها جت بتطلع السن توب الا و يجي الكونسالتنت قبل ما تكمله <<قايل لكم ما تهنت فيه …و يللا ع السشن..انا عقب سالفة السن توب جاني شعور ودي اروح لافغانستان واكمل دراستي هناك بدل هنا .. و استمتع بلعبتي المفضلة (هيا نطيح من الحمار)..

يا عالم يا حلوين ياخي الحرمة  ما تبي تجي و اللي يبي يشرب سن توب يشرب على راحته<<ذليتها ع السن توب .. مو يصير ديستيربنس يا ذو ابو نظارة  و يتوقف الشغل عشان حركات الجنتل ماان  ..

الزبدة من الموضوع..خلك وسط و لا تكثر حركات الجنتل ماان..

اهدااء

د.محمد + د.ذو ابو سكرب عنابي…الله يجزاكم الف الف خير على اخلاقكم الحلوة

و يللا نشوفكم على الف خيير =)

.. و ما كان في التيم الا انا متدرب

انا لله و انا اليه راجعون

إنا لله وإنا إليه راجعون
بسم الله الرحمن الرحيم”ولنبلونكم بشيء من الخوف والجوع ونقص من الأموال والأنفس والثمرات وبشر الصابرين * الذين إذا أصابتهم مصيبة قالوا إنا لله وإنا إليه راجعون * أولئك عليهم صلوات من ربهم ورحمة وأولئك هم المهتدون”انتقل إلى رحمة الله تعالى شيخنا وإمامنا ووالدنا الشيخ عبدالله بن عبدالرحمن ابن جبرين في الساعة الثانية من بعد ظهر اليوم الاثنين 20/7/1430هـ وسيصلى عليه ظهر غد الثلاثاء 21/7/1430هـ في جامع الإمام تركي بن عبدالله (الجامع الكبير) بالرياض.نسأل الله أن يتغمده برحمته وأن يجزيه عن المسلمين خير الجزاء وأن يجعله مع السفرة الكرام البررة في الفردوس الأعلى من الجنة إنه ولي ذلك والقادر عليه.وإنا لله وإنا إليه راجعونمكتب الشيخ عبدالله الجبرينالاثنين 20/7/1430هـ

http://ibn-jebreen.com/

الأربعاء

20-7-1430هـ

2009-07-13 م